പബ്ജി വേണ്ട ‘പണ്ഡിറ്റ് ജി’ മതി എന്ന് ഓരോ ഇന്ത്യക്കാരനും ചിന്തിച്ചാല്‍ തീരാവുന്ന പ്രശ്‌നമേ ഉള്ളൂ.. പണ്ഡിറ്റ് നന്നായി കഞ്ഞി കുടിച്ച് ജീവിക്കും !
പബ്ജി വിഷയത്തില്‍ പ്രതികരണവുമായി രംഗത്തെത്തിയിരിക്കുകയാണ് സന്തോഷ് പണ്ഡിറ്റ്. പബ്ജി പോലുള്ള ഗെയിമുകള്‍ കളിച്ച് സമയം കളഞ്ഞവര്‍ തന്റെ സിനിമകളും അഭിമുഖങ്ങളും വീഡിയോകളും കണ്ട് രസിക്കണമെന്നാണ് സന്തോഷ് പണ്ഡിറ്റ് ഫെയ്‌സ്ബുക്കില്‍ കുറിച്ചത്.
പബ്ഡി വേണ്ട പണ്ഡിറ്റ് ജി മതിയെന്ന് ഓരോ ഇന്ത്യക്കാരനും ചിന്തിച്ചാല്‍ തീരാവുന്ന പ്രശ്‌നമേയുള്ളു എന്നും സന്തോഷ് പണ്ഡിറ്റ് ഫെയ്‌സ്ബുക്കില്‍ കുറിച്ചു. സന്തോഷ് പണ്ഡിറ്റിന്റെ കുറിപ്പ് ഇതിനോടകം തന്നെ ശ്രദ്ധേയമായിരിക്കുകയാണ്.
സന്തോഷ് പണ്ഡിറ്റിന്റെ ഫെയ്‌സ്ബുക്ക് പോസ്റ്റ്
ഇന്ത്യക്കാരുടെ ഡാറ്റകള്‍ ഫണ്‍ ആപ്പിന്റെ മറവില്‍ ചൈന ചോര്‍ത്തുന്നു എന്ന് മനസ്സിലാക്കിയതിനാല്‍ പബ്ജി അടക്കം 118 ആപ്പുകള്‍ ഇന്ത്യ നിരോധിച്ചു. ഇനിയെങ്കിലും പബ്ജിയും, ടിക്ടോക്കും ഒഴിവാക്കി 24 മണിക്കൂറും പണ്ഡിറ്റിന്റെ സിനിമയും, അഭിമുഖങ്ങളും, പ്രഭാഷണങ്ങളും, ഉദ്ഘാടന വീഡിയോകളും കണ്ട് രസിക്കുക.
പബ്ജി വേണ്ട പണ്ഡിറ്റ് ജി മതി എന്ന് ഓരോ ഇന്ത്യക്കാരനും ചിന്തിച്ചാല്‍ തീരാവുന്ന പ്രശ്‌നമേയുള്ളു. കണ്ട ചൈനക്കാര്‍ക്ക് നിങ്ങളുടെ പണം നഷ്ടപ്പെടാതെ ഇന്ത്യക്കാരനായ പണ്ഡിറ്റിന് അത് കിട്ടട്ടെ. (അതിലൂടെ പണ്ഡിറ്റ് നന്നായി കഞ്ഞി കുടിച്ച് ജീവിക്കും എന്നര്‍ത്ഥം.)
എല്ലാവര്‍ക്കും നന്ദി (പണ്ഡിറ്റിനെ പോലെ ആരും ഇല്ല)