പത്തനംതിട്ട കുമ്പഴയില്‍ 92കാരിയെ കഴുത്തറുത്ത് കൊലപ്പെടുത്തി, ബന്ധു അറസ്റ്റില്‍
പത്തനംതിട്ട: പത്തനം തിട്ടയില്‍ 92കാരിയായ വൃദ്ധയ്ക്ക് ദാരുണാന്ത്യം. തന്നെ നോക്കാന്‍ നിന്ന സഹായിയുടെ കൈകളാല്‍ തന്നെയാണ് വയോധികയുടെ ജീവന്‍ പൊലിഞ്ഞത്. കുമ്പഴ സ്വദേശിനി ജാനകി (92) ആണ് കൊല്ലപ്പെട്ടത്. സഹായിയായ ബന്ധുവിനെ പൊലീസ് അറസ്റ്റ് ചെയ്തു.
ഇന്ന് രാവിലെയാണ് സംഭവം. വീട്ടില്‍ ഈസമയത്ത് മറ്റ് കുടുംബാംഗങ്ങള്‍ ആരും ഉണ്ടായിരുന്നില്ല.കഴിഞ്ഞ ഏതാനും ദിവസങ്ങളായി വയോധികയെ നോക്കാന്‍ എത്തിയ സഹായിയാണ് പിടിയിലായത്. ഇയാള്‍ ബന്ധുവിനെ വിളിച്ച് മരണവിവരം അറിയിക്കുകയായിരുന്നുവെന്നാണ് പൊലീസ് പറയുന്നത്. പൊലീസ് അന്വേഷണം ആരംഭിച്ചു.
കിടപ്പുമുറിയിലാണ് ജാനകിയെ മരിച്ചനിലയില്‍ കണ്ടെത്തിയത്. കഴുത്തില്‍ ആഴത്തിലുളള മുറിവുണ്ട്.